EXPOSICIÓN RAZAS AUTÓCTONAS NA FESTA DA FILLOA DE MUIMENTA
29.04.2013. O próximo 1 de maio celebrarase en Muimenta (Cospeito, Lugo) a tradicional Festa da Filloa, declarada recentemente Festa de Interese Turístico de Galicia. Este evento sempre vai acompañado dunha serie de actividades entre as que este ano queremos destacar unha exposición de razas autóctonas, de xeito que os visitantes poderán, ademais de degustar as tradicionais filloas, contemplar exemplares das razas Ovella galega, Cabra Galega e Galiña de Mos propiedade de distintos criadores da comarca.
Ler Máis »
UN RESTAURANTE DE RAZAS AUTÓCTONAS EN XANTAR
Xantar, Salón Galego de Gastronomía e Turismo, que se celebra en Ourense do 6 ao 10 de marzo, é unha feira que alcanza a súa décimo cuarta edición e que transforma o recinto de Expourense nun gran centro de restauración. En 12.000 metros cadrados cubertos recréase unha vintena de restaurantes con todos os detalles e servizos. O obxectivo é dobre: exaltar as materias primas coas que se elaboran os menús e fomentar a calidade e a prestación do servizo.
Ler Máis »
A Cabra Galega cobrou protagonismo na feira monográfica de GandAgro
O segundo monográfico da Gandería e a Agricultura, GandAgro 2012, que se celebrou no recinto da Feira Internacional de Galicia do 8 ao 19 de marzo, contou cunha ampla representación das razas autóctonas galegas que ...
Ler Máis »
Posta de largo dos produtos derivados das razas autóctonas
O 3 de novembro realizouse no recinto feiral de Silleda (Pontevedra) unha presentación de produtos gastronómicos derivados das razas autóctonas de Galicia en perigo de extinción ante máis de 180 profesionais dos sectores da hostalería, ...
Ler Máis »
AS RAZAS AUTÓCTONAS ESTIVERON EN MACEDA
15 agosto 2018. Maceda (Ourense)
O 15 de agosto, o lugar escollido para a exposición de gando das distintas razas autóctonas de Galicia que se celebrou con motivo da Feira Medieval de Maceda, foi a carballeira que rodea o Castelo de Maceda na provincia de Ourense. Alí puidéronse ver exemplares das razas Caldelá, Limiá, Vianesa, Ovella Galega e Cabra Galega.
As explotacións de razas autóctonas participantes neste concello, foron as de Escuadro SC. de José Manuel González Lamelas (coas razas Ovella Galega, Vianesa e Cabalo de Pura Raza Galega), Pilar Martínez Peña (con exemplares da raza Limiá), Visitación Cid Fariñas (raza Cabra Galega), Miguel Gómez García (con exemplares da raza Vianesa), e con exemplares da raza Caldelá participaron as ganderías de Javier Blanco González, José González Carballo e José Manuel Lage Cid (Gandería Juan M Lage).
Esta Carballeira convérteuse nun escaparate destas razas e nun espazo moi agradable, onde a todos os visitantes que se achegaron, se lles facilitou información sobre as nosas razas e os seus produtos. Noraboa a todos!
