A CABRA GALEGA NA FEIRA DAS CABRAS DE MERLÁN 2016
18 setembro 2016. Merlán- Chantada
A cabra Galega estará o día 18 de setembro nunha nova edición da Festa da Cabra de Merlán, que igual que en anos anteriores organiza a Asociación de Veciños de Santo Tomé de Merlán, en ...
A CABRA GALEGA NO “I ENCONTRO COA HISTORIA”
Mosteiro de Caaveiro, días 20 e 21 de agosto 2016
No concello de A CAPELA van a celebrar o “I ENCONTRO COA HISTORIA. O PREÁMBULO”. Unha volta aos orixes que nesta ocasión vai a contar con exemplares de CABRA GALEGA procedentes da explotación -dun dos ...
AS RAZAS AUTÓCTONAS VOLTAN POR SEGUNDO ANO CONSECUTIVO A MACEDA
Festa Medieval de Maceda. 13 e 14 de agosto 2016
Esta fin de semana de agosto as razas autóctonas voltarán á “FESTA MEDIEVAL E GASTRONÓMICA DE EXALTACIÓN DE CARNE DE TENREIRA AUTÓCTONA DA ZONA”, onde haberá unha exposición de gando autóctono e participarán os criadores ...
A CABRA GALEGA E AS SÚAS PRODUCIÓNS EN VÍDEO
xullo 2016
Queremos presentarvos o novo vídeo promocional da Cabra Galega que se fixo da nosa raza autóctona. O link para poder visualizalo é o seguinte VIDEO CABRA GALEGA Ademais tamén no menú lateral dereito da páxina ...
GRAN PROMOCIÓN DOS PRODUTOS DAS RAZAS AUTÓCTONAS EN SALIMAT 2016
Salimat 2016- Silleda. (9-12 xuño de 2016)
No 20º SALÓN DE ALIMENTACIÓN DEL ATLÁNTICO-SALIMAT celebrado neste ano 2016, 15 produtores das nosas razas autóctonas presentaron os seus produtos en postos e neveiras frigoríficas para promocionar as súas propias marcas. Establecéronse moitos contactos. ...
NOVO ÉXITO DAS RAZAS AUTÓCTONAS NO TAPIRAZAS
Salimat 2016. Silleda (9-12 de xuño de 2016)
O restaurante Tapirazas, organizado pola Federación de razas autóctonas de Galicia-BOAGA, na feira Semana Verde, contou durante catro días cos produtos das nosas 8 razas autóctonas. O interés foi espectacular xa que o menú se ...
EXPOSICIÓN DE ANIMAIS E RESULTADOS DOS CONCURSOS DE VACÚN SEMANA VERDE 2016
SEMANA VERDE - SILLEDA (9-12 xuño de 2016)
Durante a celebración da Feira Internacional Semana Verde de Galicia, foron moitas as actividades e promocións que se fixeron coas nosas razas autóctonas galegas. Houbo coma en anos anteriores exposición de animais vivos das razas ...
O ESCAPARATE DAS RAZAS AUTÓCTONAS GALEGAS.
Feira Internacional de Galicia-Silleda. do 9 ao 12 de xuño de 2016
BOAGA ven de organizar para a sección de gandeiría desta edición da FEIRA ABANCA SEMANA VERDE 2016, unha exposición de exemplares de Ovella Galega e Cabra Galega e Frieiresa. En vacuno realizaranse os seguintes concursos: ...
BOAGA PREMIO DE CULTURA GASTRONÓMICA 2018
3 de novembro de 2018. Vigo
Este ano 2018, fomos premiados na XLI edición dos Premios da Crítica de Galicia da modalidade de Cultura Gastronómica.
O labor de criadores e técnicos, que con esforzo e ilusión veñen facendo xa dende o ano 2001, momento en que se constitúen as asociacións de criadores das razas Cachena, Caldelá, Frieiresa, Limiá, Vianesa, Ovella Galega, Galiña de Mos e Cabra Galega, e á federación, BOAGA, foi premiado e recoñecido nestes prestixios Premios da Crítica Galicia, que se instituen coa finalidade de facer público o recoñecemento que, dentro do marco xeral da cultura galega, merezan os labores individuais ou colectivos que cada ano cristalicen en achegas relevantes para os diversos ámbitos da creación cultural e da investigación en Galicia.
O xurado, que estivo formado por Alberto González Prelcic, cociñeiro, en representación do Grupo Nove, gañador da edición anterior; Teresa Cuíñas Lavandeira, xornalista da TVG; Taciana Díaz Mariño, xornalista; Manuel Hermo Piñeiro, profesor da escola de Hostelaría de Pontevedra; María Mosquera Leal, e-asesora, colaboradora da revista Benbo; Alejandro Rubín Carballo, director de Expourense e Luís Marconi Suárez, secretaría, en representación da APCG, acordou conceder o premio de cultura gastronómica 2018, de entre tódalas propostas presentadas, á Federación de Razas Autóctonas de Galicia (Boaga), por “ter impacto en todo o territorio, asentar poboación en contornas rurais, incorporar xente nova ao traballo gandeiro, coidar colateralmente do medio ambiente e facer chegar o produto aos mercados máis selectos de España”.
Este premio foi un recoñecemento por potenciar e ser reflexo de riqueza, innovación, compromiso e posta en valor da identidade gastronómica de Galicia. Representando todo o proceso que vai dende a produción ata o prato, ademáis de recuperar ás razas autóctonas galegas e os produtos propios e únicos da nosa terra.
O prestixioso galardón, foi outorgado en anteriores edicións a entidades coma Grupo Cuevas, Artesáns da Pesca e no pasado ano ao Grupo Nove. Recolleu o premio en nome de BOAGA, o Director Técnico das asociacións de criadores das razas bovinas Cachena, Caldelá, Frieiresa, Limiá e Vianesa, D. Juan José Lama López.
Os outros dous finalistas foron Terras da Mariña, Sociedade Cooperativa Galega e Mexillón de Galicia D. Orixe Protexida.
Máis imaxes no seguinte enlace PREMIOS DA CRÍTICA DE GALICIA 2018