SEMANA VERDE -SALIMAT 2018

Do 7 ao 10 de xuño de 2018
uploads/9/news/logo_semana_verde.jpg

 

7 ao 10 de xuño,vaise celebrar unha nova edición da Feira Internacional Semana Verde de Galicia, esta xa é a 41ª edición, e tamén se celebra o 22º salón de alimentación do Atlántico- SALIMAT. 

BOAGA xunto coas asociación integradas e os seus criadores participarán con diversas actividades descritas a continuación:

ACTIVIDADES CON ANIMAIS VIVOS

  • 5º CAMPIONATO GALEGO DA RAZA GALIÑA DE MOS Este campeonato estará dividido en tres certames no que os criadores de Avimós poderán participar coas súas aves en concurso por lotes ou en concurso individual:
  • 7ª exposición e concurso por lotes de Galiña de Mos-Semana Verde 2018, no que participarán varios criadores con exemplares de toda España. Os lotes estarán formados de 3 galiñas e 1 galo.
  • XI Concurso Monográfico da Galiña de Mos, onde se exponen os mellores exemplares a nivel nacional.
  • 4º Concurso “A GALIÑA DE MOS E OS SEUS POLIÑOS”, onde participarán lotes de galiña cos seus poliños. Este concurso pretende promocionar as galiñas da raza como nais para que o público poida observar a cría dos poliños naturalmente e non en incubadora. Preténdese que o concurso teña una proxección publicitaria máis que competitiva, polo que o público asistente será o encargado de seleccionar co seu voto os mellores lotes.

 

  • EXPOSICIÓN E CONCURSOS MORFOLÓXICOS DAS RAZAS AUTÓCTONAS BOVINAS GALEGAS.

Celebraranse 5 concursos morfolóxicos con exemplares adultos das nosas razas autóctonas Cachena, Caldelá, Frieiresa, Limiá e Vianesa.

  • VII CONCURSO MORFOLÓXICO DA RAZA CACHENA.
  • VI CONCURSO MORFOLÓXICO DA RAZA VIANESA
  • V CONCURSO MORFOLÓXICO DA RAZA CALDELÁ
  • IVCONCURSO MORFOLÓXICO DA RAZA LIMIÁ
  • II CONCURSO MORFOLÓXICO DA RAZA FRIEIRESA.

 

  • EXPOSICIÓN DE EXEMPLARES VIVOS DAS RAZAS AUTÓCTONAS OVELLA GALEGA E CABRA GALEGA.

 

  • MERCADO DE AVES VIVAS: existirá un mercado de aves vivas montado un ano máis en colaboración coa Fundación Semana Verde de Galicia. Poranse á venda exemplares da raza Galiña de Mos no que participarán varios produtores da Asociación de Avicultores da raza Galiña de Mos-Avimós.

 

A ENTREGA DE PREMIOS DOS CONCURSOS MONOGRÁFICOS RAZAS AUTÓCTONAS FARASE:

O domingo día 10 de xuño, no pabellón de gandería, farase a entrega de premios de tódolos concursos monográficos co seguinte horario:

  • Ás 19:00 entrega de premios dos concursos raza Porco Celta.
  • Ás 19:10 entrega de premios do VII CONCURSO MORFOLÓXICO DA RAZA CACHENA.
  • Ás 19:20 entrega de premios do V CONCURSO MORFOLÓXICO DA RAZA CALDELÁ
  • Ás 19:30 entrega de premios do II CONCURSO MORFOLÓXICO DA RAZA FRIEIRESA.
  • Ás 19:40 entrega de premios do IVCONCURSO MORFOLÓXICO DA RAZA LIMIÁ
  • Ás 19:500 entrega de premios do VI CONCURSO MORFOLÓXICO DA RAZA VIANESA
  • Ás 20:00 entrega de premios do 5º CAMPIONATO GALEGO DA RAZA GALIÑA DE MOS

 

ACTIVIDADES EN SALIMAT (SALÓN DE ALIMENTACIÓN DO ATLÁNTICO):

COMERCIALIZACIÓN DA CARNE E PRODUTOS DAS RAZAS AUTÓCTONAS GALEGAS NO ESPAZO “DE NOS PARA VOS”.

Boaga e quince criadores de razas autóctonas galegas pertencentes as asociacións integradas na Federación, presentarán en exposición e venda, a carne e os produtos derivados das razas autóctonas galegas en perigo de extinción a través de 17 stands, no pavillón 1 da Feira Internacional de Galicia en Silleda, onde se celebra o SALIMAT 2018

Os criadores participan coas súas marcas comerciais, unha oportunidade única de facer contactos e de promocionar estes produtos únicos, experiencia que repiten moitos deles. Dos produtos que se presentarán, hai carne e derivados cárnicos de vacún de Cachena, Caldelá, Limiá, carne de cordeiro de Ovella Galega e de cabrito de Cabra Galega, así coma Polos, Galos, Pulardas e ovos de raza Galiña de Mos. Os produtores que participan este ano, preséntanse coas seguintes marcas individuais: “GANADERÍA BALÍN”, “CACHENAS DE PANTÓN”,“CACHENAS DE SAN BREIXO”, “EXPLOTACIÓN JUAN M. LAGE”, “GANDERÍA TRAS DO RÍO”, “GRANXA CASTRO DE MADROSENDE, “AVES DO CONCELLO”, “CHOUSA DO LEA”, “DAVID SUEIRO- AVICULTURA ARTESANAL”, “GACARLI S. L.”, “GRANXA AEIROA” “A GRANXA DE LOLA”, “CRUGALO”, “GALOS MACEIROS” “GRANXA TEIXEIRO E PISTÓN”.

Ademáis estaremos con dous stands propios “BOAGA” e “TAPIRAZAS” onde se asesorará sobre as razas autóctonas, os produtos derivados, as actividades que se están a realizar, e onde estarán dispoñibles os tikets para o menú degustación de razas autóctonas do restaurante TapiRazas.

 

O TAPIRAZAS ESTARÁ PRESENTE UN ANO MAIS

BOAGA EN COLABORACIÓN CO COCIÑEIRO ANTONIO DÍAZ DO RESTAURANTE ANDARUBEL, PRESENTAN NO SALIMAT UN MENÚ DEGUSTACIÓN CON RAZAS AUTÓCTONAS GALEGAS.

TapiRazas, un restaurante de tapas con produtos das razas autóctonas galegas en perigo de extinción, ten por obxectivo promocionar as razas autóctonas galegas e os seus produtos, poñendo en valor as excelentes cualidades culinarias e sensoriais, diferenciándose como produtos únicos e de calidade, coa garantía e certificado do logo 100% raza autóctona.

Xunto con BOAGA e as asociacións de criadores de cada unha das razas pertencentes á Federación, participarán o cociñeiro Antonio Díaz Calvo (restaurante ANDARUBEL-FRAGAS DO EUME).

ANDARUBEL-FRAGAS DO EUME, elaborará as tapas cos produtos das razas autóctonas galegas Cachena, Caldelá, Frieiresa, Limiá, Vianesa, Ovella Galega, Cabra Galega, Galiña de Mos e Porco Celta que se acompañarán de pan e bebida. O menú degustación con produtos de autóctonas consta de dezaseis tapas distintas, distribuídas en 4 tapas distintas para cada día da feira, bebida e pan.

TapiRazas estará en funcionamento de xoves a domingo a partires das 13:00 h no pavillón 1, cun menú degustación.

MÁIS INFORMACIÓN  NO SEGUINTE ENLACE; SEMANA VERDE 2018

 


Limpar
uploads/9/news/portada_autoctonas_3.jpg

O RECEITARIO “COCIÑANDO COAS RAZAS AUTÓCTONAS” TAMÉN SE PRESENTARÁ NA FEIRA DO LIBRO DA CORUÑA

29.07.2013. Este xoves 1 de agosto, ás 18.30 horas, Rocío Garrido Caramés, acompañada por membros do equipo técnico da Federación de Razas Autóctonas de Galicia-Baoga presentará o seu libro de receitas Cociñando coas razas autóctonas na 42ª edición da Feira do Libro da Coruña, que terá lugar nos xardíns Méndez Núñez da cidade herculina e que se extenderá desde o día 1 ata o próximo 11 de agosto.


Ler Máis »

uploads/9/news/logo_raza_autoctona-680x334_1.jpg

PUBLICADO O REAL DECRETO 505/2013 QUE REGULA O USO DO LOGOTIPO "RAZA AUTÓCTONA" NOS PRODUTOS DE ORIXE ANIMAL

Hoxe día 24 de xullo de 2013, publicouse no BOE , o Real Decreto 505/2013, de 28 de junio, por el que se regula el uso del logotipo “raza autóctona” en los productos de origen animal.

Este logotipo ten carácter voluntario, poderán utilizalo as asociacións de criadores de animais de razas autóctonas oficialmente recoñecidas e que o soliciten (condicións no anexo II), é compatible con outros etiquetados facultativos (según condicións art 4 do RD 505/2013).

As características así coma os contidos mínimos para redactar o prego de condicións de utilización do logotipo están recollidos nos anexos I e II do Real Decreto.

Descargar PDF Real Decreto 505/2013


Ler Máis »

uploads/9/news/portada_autoctonas_2.jpg

ROCÍO GARRIDO PRESENTARÁ “COCIÑANDO COAS RAZAS AUTÓCTONAS” NA FEIRA DO LIBRO DE VIGO

03.07.2013. Este domingo 7 de xullo, ás 19.00 horas, Rocío Garrido Caramés presentará o seu libro de receitas Cociñando coas razas autóctonas na Feira do Libro de Vigo, na Alameda - Praza de Compostela. Posteriormente farase a firma de libros.


Ler Máis »

uploads/9/news/cartel_xornadas_1.jpg

XORNADAS TÉCNICAS DAS RAZAS AUTÓCTONAS DE GALICIA EN PERIGO DE EXTINCIÓN NA 36ª SEMANA VERDE DE GALICIA

06.06.2013. Este ano, Boaga organiza as Xornadas Técnicas das Razas Autóctonas de Galicia en Perigo de Extinción no marco da 36ª Semana Verde de Galicia. Terán lugar no recinto Feira Internacional de Galicia de Silleda a fin de semana do 15 e 16 de xuño.


Ler Máis »

uploads/9/news/portada-cocinando-coas-razas-autoctonas_1.jpg

ROCÍO GARRIDO PRESENTARÁ O RECEITARIO “COCIÑANDO COAS RAZAS AUTÓCTONAS” NA FEIRA DO LIBRO DE OURENSE

05.06.2013. Este sábado 8 de xuño, ás 12.00 horas, Rocío Garrido Caramés presentará o seu receitario Cociñando coas razas autóctonas na Feira do Libro de Ourense, que está instalada na Alameda da cidade. A continuación, a autora asinará exemplares nas casetas das librerías onde se vende esta publicación.


Ler Máis »

uploads/9/news/dsc_0406.jpg

As razas autóctonas galegas terán un papel protagonista na Semana Verde

29.05.2013. O recinto feiral de Silleda acollerá do 13 ao 16 de xuño a 36º Semana Verde de Galicia, unha edición na que as razas autóctonas galegas en perigo extinción serán sen dúbida as protagonistas dentro da área gandeira.


Ler Máis »

uploads/9/news/portada_autoctonas_1.jpg

PRESENTACIÓN DO RECEITARIO “COCIÑANDO COAS RAZAS AUTÓCTONAS” NA FEIRA DO LIBRO DE PONTEVEDRA

23.05.2013. Mañá, sábado 25 de maio, ás 12.00 horas, Rocío Garrido Caramés presentará o seu libro de receitas Cociñando coas razas autóctonas na Feira do Libro de Pontevedra. A continuación, a autora firmará exemplares na ...


Ler Máis »

uploads/9/news/festa_filloa.jpg

EXPOSICIÓN RAZAS AUTÓCTONAS NA FESTA DA FILLOA DE MUIMENTA

29.04.2013. O próximo 1 de maio celebrarase en Muimenta (Cospeito, Lugo) a tradicional Festa da Filloa, declarada recentemente Festa de Interese Turístico de Galicia. Este evento sempre vai acompañado dunha serie de actividades entre as que este ano queremos destacar unha exposición de razas autóctonas, de xeito que os visitantes poderán, ademais de degustar as tradicionais filloas, contemplar exemplares das razas Ovella galega, Cabra Galega e Galiña de Mos propiedade de distintos criadores da comarca.


Ler Máis »


|
| © Boaga 2020