Limpar
uploads/9/news/sanmartino2014web.jpg

AS RAZAS AUTÓCTONAS GALEGAS NA FEIRA CABALAR DE SAN MARTIÑO DE TEO 2014

11 de novembro 2014, Lugar de Francos-Calo (Concello de Teo)

Mañá 11 de novembro, con motivo da Festa do San Martiño, celébrase en Teo , no lugar de Francos- Parroquia de Calo, a feira cabalar tradicional mais importante de Galicia, onde tamén participarán as nosas razas autóctonas. Exporán os criadores Roberto Louzán (Viascón-Cotobade) con exemplares de Frieiresa, Mercedes Alonso(Cotobade) con exemplares de Caldelá e Limiá, José Canda (Lalín) con exemplares de Cabra Galega e Marco Antonio Feijóo (Teo), con exemplares de Galiña de Mos.

Ademais de exposición de gando tamén haberá feira de artesáns e produtos ecolóxicos.


Ler Máis »

uploads/9/news/portada-curso-de-primeros-auxilios.jpg

CONVOCATORIA CURSOS DE PRIMEIROS AUXILIOS NO SECTOR AGROGANDEIRO E FORESTAL

Vaise impartir cursos de  Formación de PRIMEIROS AUXILIOS  en 40 Concellos  de toda Galicia. É unha formación específicamente orientada e dirixida para os EMPREGADOS ou DESEMPREGADOS do sector  AGRICOLA, GANDEIRO E FORESTAL, e esta cofinanciada polo  ISSGA e o Ministerio de Agricultura Alimentación y Medio Ambiente.

Para todo aquel que estea interesado pode descargar os documentos adxuntos de inscripción e carteis dos lugares e datas de impartición, nos seguintes enlaces:

Anuncios de convocatorias

Folla de inscripción dos cursos

Resolución de convocatoria;

  Teléfono de información da entidade executora do proxecto formativo, HERCULES FORMACION S.L. : 881-91 59 62

Desde o link http://primeirosauxilios.herculesformacion.com/, tamén hai mais información sobre estes cursos.


Ler Máis »

uploads/9/news/1380367_778554615540221_6863381916532599591_n.jpg

AS RAZAS AUTÓCTONAS PARTICIPARÁN NO EXPOLUGO 2014

4 e 5 de outubro de 2014, Recinto Feiral Lugo.

Un ano mais, as razas autóctonas participarán nas actividades organizadas no EXPOLUGO 2014, con motivo das festas de San Froilán os días 4 e 5 de outubro no Pazo de Feiras e Congresos de Lugo (Recinto Feiral o Palomar s/n, Lugo, ao carón da estrada Nacional VI).

Celebraranse as seguintes actividades organizadas polas asociacións pertencentes a BOAGA, nas que participan criadores da provincia de Lugo con razas autóctonas, e en colaboración coa Fundación Feiras e Exposicións de Lugo e a Deputación Provincial de Lugo:

  • II Concurso-Exposición monográfico provincial da Galiña de Mos, no que participarán nove criadores e un total de 45 animais.
  • Exposición provincial das razas Cachena, Caldelá, Vianesa, Ovella Galega e Cabra Galega, no que participarán seis criadores e un total de 35 animais.
  • Mercado Alimentario de Razas Autóctonas, coa participación de dous criadores das razas Cachena e Vianesa e venda e promoción de carne procedente de animais das súas explotacións.

O horario de apertura ao público será de 11 da mañá a 9 da noite ininterrompido.

Ademais O sábado día 4, ás 11 da mañá, haberá polo centro de Lugo, un desfile de gando autóctono onde tamén participarán exemplares de Galiña de Mos e mais de Ovella Galega.


Ler Máis »

uploads/9/news/10665281_805500649502397_6715841882028246736_n.jpg

FEIRA DAS CABRAS DE MERLÁN 2014

Domingo 21 de septiembre

O próximo domingo 21, celébrase a tradicional "FESTA DAS CABRAS DE MERLÁN" organizada como todos os anos pola Asociación de Veciños de Santo Tomé de Merlán,con presencia de Capriga Asociación de Gandeiros de Cabra Galega,exposición de animales, e degustación de carne de cabra de esta fabulosa raza Galega. A feria de caprino más importante de Galicia.
O Lugar Parroquia de San Tomé de Merlán.Campo da festa de Merlán.Chantada-Lugo. A Feira comeza pola mañá.

 más información en : https://www.facebook.com/festas.demerlan


Ler Máis »

uploads/9/news/img-20140704-wa0003.jpg

A CARNE DE RAZA CACHENA NO V FEIRÓN MEDIEVAL DOS ANDRADE (PONTEDEUME)

4, 5 e 6 de xullo de 2014- Pontedeume (A Coruña)

Dende hoxe venres ata o domingo 6, poderase degustar no Feirón medieval dos Andrade en Pontedeume BURGUER DE TENREIRA CACHENA , BOLOS PREÑADOS E LISCOS. O posto está preparado por Asociación de Veciños da Nogueirosa Parroquia e Xente de aquí e de acolá.

Ademais durante estes tres días haberá numerosas actividades. Merece a pena achegarse e probar a carne de Cachena. Máis información en https://www.facebook.com/andarubel.fragasdoeume y en http://www.feironmedievaldosandrade.com/


Ler Máis »

uploads/9/news/img_6334.jpg

EXPOSICIÓN DE ANIMAIS NA SEMANA VERDE 2014. RESULTADOS DOS CONCURSOS MORFOLÓXICOS DAS RAZAS CACHENA, VIANESA, CALDELÁ E GALIÑA DE MOS

Semana Verde 2014. Silleda (12-15 de xuño de 2014)

Fai uns días rematou a Feira Internacional de Galicia-Semana Verde 2014. Foron uns días cheos de actividades e promoción das razas autóctonas galegas en perigo de extinción. Queremos felicitar a todolos gandeiros que quixeron participar ...


Ler Máis »

uploads/9/news/stand-ganaderia-juan-m-lage.jpg

ÉXITO NA EXPOSICIÓN E VENDA DE PRODUTOS DAS RAZAS AUTÓCTONAS GALEGAS

Salimat-Semana Verde 2014. Silleda (12-15 de xuño de 2014)

No pavillón número 1 do recinto feiral, celebrouse o Salón da Alimentación do Atlántico – SALIMAT, onde houbo 11 produtores das razas Cachena, Caldelá, Ovella Galega e Galiña de Mos que participaron no espazo para as razas autóctonas denominado "De Nós para Vós", con exposición e venda dos produtos de raza e presentación das marcas dos criadores.

No seguinte enlace STANDS EXPOSITORES DE NOS PARA VOS- SALIMAT 2014, hai un documento gráfico sobre a exposición e venda dos criadores e a participación activa nos catro días de feira.


Ler Máis »

uploads/9/news/img_9133.jpg

GRANDE ÉXITO DA CARNE DE AUTÓCTONAS NO RESTAURANTE TAPIRAZAS (SALIMAT 2014)

Salimat-Semana Verde 2014. Silleda (12-15 de xuño de 2014)

No restaurante TapiRazas, propiedade da Federación de razas autóctonas de Galicia -BOAGA, fixemos degustacións de todas as nosas razas autóctonas. Os menús foron elaborados polo equipo do restaurante Andarubel- Fragas do Eume, de Pontedeume, capitaneados polo chef Antonio Díaz. O éxito foi tal que se agotou o produto previsto todos os días. O comentario resumo xeral era “está boísimo todo”.

Dende a Federación, BOAGA, queremos agradecer e felicitar a Antonio e ao seu equipo de profesionais, por querer colaborar con nos, sen eles o éxito non sería tal. Con bo produto, boa preparación, elaboración e presentación o éxito estivo garantido.

A continuación, pinchando en MENÚS TAPIRAZAS 2014, mostramos o documento gráfico de moitos dos pratos degustados e mais de distintos momentos nos 4 días que durou a feira.


Ler Máis »

EXPOSICIÓN DE RAZAS AUTÓCTONAS E RESULTADOS DO VI CONCURSO-EXPOSICIÓN MONOGRÁFICO PROVINCIAL DA RAZA GALIÑA DE MOS.

6-7 Outubro 2018. LUgo
uploads/9/news/0-fot-criadores_familia.jpg

Os días 6 e 7 de outubro celebrouse unha nova edición de Expolugo A Rural. Contou cunha importante exposición de gando procedente de explotacións da provincia de Lugo, no que houbo exemplares das razas bovinas Cachena (participación das gandarías de Gonzalo Seoane Prado, Cachenas de Pantón de María del Carmen Álvarez Álvarez ,e Cachenas de San Breixo de Jordi Ánguez Grases); raza Caldelá (participación da gandaría Ana e Alejandro S.C.), raza Frieiresa (coa gandaría de José Rodríguez Teijeiro), raza Limiá (participación da gandaría de Ana María Teijeiro Castro) e raza Vianesa (participación da gandaría de Rocío Lago Gancedo).

Tamén participaron as gandarías de Luís Fernández Fernández e Gandaría Mourelle SC que levaron exemplares da raza Ovella Galega. A Gandaría de Alberto Santín González participou con exemplares da raza Cabra Galega.

No caso da raza Galiña de Mos, celebrouse o VI Concurso-Exposición Monográfico Provincial da Galiña de Mos, onde participaron os seguintes criadores da provincia de Lugo: José Luis Freire Castedo, Javier Álvarez Cela, M. Alberto Fernández Fraga, Oscar Miranda Gómez, Francisco José Monasterio Solveira, José Zapata Sánchez, Jordi Ánguez Grases, Luís Fernández Fernández, Beatriz Canto Edrosa, Sandra López López, Roberto Raposo Díaz, Emiliano Pol Ferreiro, Carlos Pereira Fernández.

Sendo os resultados do VI Concurso-Exposición Monográfico Provincial da raza Galiña de Mos:

  • Categoría de galiñas:

1º Premio: José Luis Freire Castedo ( concello de Pol).

2º Premio: Beatriz Canto Edrosa (concello de Castro de Rei).

3º Premio: Luis Fernández Fernández (concello de Riotorto).

  • Categoría de galos:

1º Premio: Sandra López López(concello Láncara).

2º Premio: J. Luis Freire Castedo( concello de Pol).

3º Premio: Fco. José Monasterio Solveira(concello de Vilalba).

Pódense descargar as imaxes dos participantes e premiados no seguinte enlace: CRIADORES RAZAS AUTÓCTONAS EXPOLUGO 2018.

Houbo venda de exemplares vivos de raza Galiña de Mos (Sandra López).

Ademais expuxeron e venderon produtos de raza autóctona Cachena (Ramón Vázquez e Cachenas de San Breixo), Granxa Aeiroá con produtos da raza Galiña de Mos e a Soc. Coop. Galega Tres Fuciños con produtos derivados da raza Porco Celta.

Esta feira ten o patrocinio da Deputación Provincial de Lugo e do Concello de Lugo.

 


|
| © Boaga 2020