ÉXITO DAS RAZAS AUTÓCTONAS GALEGAS NO EXPOLUGO 2015

Lugo. días 3 e 4 de outubro de 2015
[ÉXITO DAS RAZAS AUTÓCTONAS GALEGAS NO EXPOLUGO 2015 - uploads/9/news/expolugo-2015-modificado.jpg]

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Os días 3 e 4 de outubro e con motivo das festas de San Froilán, celebrouse en Lugo outra edición da feira Expolugo Mostra Gandeira 2015, no Pazo de Feiras e Congresos de Lugo

Celebráronse distintas actividades que se poden descargar no seguinte DOCUMENTO GRÁFICO DO EXPOLUGO 2015

Un desfile de gando autóctono polo centro de Lugo coa participación de dous exemplares, macho e femia da raza Galiña de Mos,unha femia de Ovella galega e unha femia de Cachena e mais a súa cría (fotografías no pdf adxunto), chamando a atención dos asistentes do desfile, a expectación foi moi grande.

Exposición provincial das razas Cachena, Caldelá, Vianesa, Ovella Galega e Cabra Galega, na que participaron 10 criadores e un total de 35 animais das razas Cachena, Caldelá, Vianesa, Ovella Galega e Cabra Galega. (imaxes no documento pdf adxunto)

Celebración do III Concurso-Exposición Monográfico Provincial da Galiña de Mos, no que participaron nove criadores e un total de 42 animais.

Os resultados foron os seguintes:

Na categoría de galos:

  • 1º premio, galo propiedade de Roberto Raposo Díaz, de Pedrafita do Cebreiro.
  • 2º premio, galo propiedade de José Luis Freire Castedo, de Pol.
  • 3º premio, galo propiedade de Javier Álvarez Cela, de Becerreá.

Na categoría de galiñas:

  • 1º premio, galiña propiedade de Javier Álvarez Cela, de Becerreá.
  • 2º premio, galiña propiedade de Luis Fernández Fernández, de Riotorto.
  • 3º premio, galiña propiedade de José Luis Freire Castedo, de Pol

Mercado Alimentario de Razas Autóctonas

Coa participación de 5 criadores das razas Cachena, Vianesa e Galiña de Mos, promocionando os produtos cárnicos e ovos procedente de animais das súas explotacións,onde expuxeron os seus produtos as marcas comerciais “Aves do Concello”, “Chousa do Lea”, “Cachenas de San Breixo” “Ganado de Lemos” e “Ramón Vázquez”

Degustación de carne das razas autóctonas Cachena, Vianesa e Galo de Mos.

O domingo 4 de outubro, houbo degustacións da carne e os ovos das nosas razas autóctonas organizado polos técnicos de Boaga e mais polos criadores que participaron no Mercado Alimentario de Razas Autóctonas . Os pratos degustados foron o Galo de Mos estufado, Croca de tenreira Cachena á prancha, Ragout de tenreira Cachena, xarrete estufado de boi de Vianesa e hamburguesa de boi de Vianesa. O éxito foi rotundo e houbo gran afluencia de público que puideron degustar as distintas exquisiteces da carne das autóctonas. (As imaxes dos pratos e da degustación atópanse no documento pdf adxunto).

DOCUMENTO GRÁFICO DO EXPOLUGO 2015


Limpar

PRESENTACIÓN DO RECEITARIO “COCIÑANDO COAS RAZAS AUTÓCTONAS” NA FEIRA DO LIBRO DE PONTEVEDRA

[PRESENTACIÓN DO RECEITARIO  “COCIÑANDO COAS RAZAS AUTÓCTONAS” NA FEIRA DO LIBRO DE PONTEVEDRA - uploads/9/news/portada_autoctonas_1.jpg]

23.05.2013. Mañá, sábado 25 de maio, ás 12.00 horas, Rocío Garrido Caramés presentará o seu libro de receitas Cociñando coas razas autóctonas na Feira do Libro de Pontevedra. A continuación, a autora firmará exemplares na ...

Ler Máis »

EXPOSICIÓN RAZAS AUTÓCTONAS NA FESTA DA FILLOA DE MUIMENTA

[EXPOSICIÓN RAZAS AUTÓCTONAS NA FESTA DA FILLOA DE MUIMENTA - uploads/9/news/festa_filloa.jpg]
29.04.2013. O próximo 1 de maio celebrarase en Muimenta (Cospeito, Lugo) a tradicional Festa da Filloa, declarada recentemente Festa de Interese Turístico de Galicia. Este evento sempre vai acompañado dunha serie de actividades entre as ...
Ler Máis »

UN RESTAURANTE DE RAZAS AUTÓCTONAS EN XANTAR

[UN RESTAURANTE DE RAZAS AUTÓCTONAS EN XANTAR - uploads/9/news/tarjeton_hr3j_1.peg]
Xantar, Salón Galego de Gastronomía e Turismo, que se celebra en Ourense do 6 ao 10 de marzo, é unha feira que alcanza a súa décimo cuarta edición e que transforma o recinto de Expourense ...
Ler Máis »

A Cabra Galega cobrou protagonismo na feira monográfica de GandAgro

[A Cabra Galega cobrou protagonismo na feira monográfica de GandAgro - uploads/9/news/cabra_galega_gandagro.jpg]

O segundo monográfico da Gandería e a Agricultura, GandAgro 2012, que se celebrou no recinto da Feira Internacional de Galicia do 8 ao 19 de marzo, contou cunha ampla representación das razas autóctonas galegas que ...

Ler Máis »

Posta de largo dos produtos derivados das razas autóctonas

[Posta de largo dos produtos derivados das razas autóctonas - uploads/9/news/foto_posta_de_largo.jpg]

O 3 de novembro realizouse no recinto feiral de Silleda (Pontevedra) unha presentación de produtos gastronómicos derivados das razas autóctonas de Galicia en perigo de extinción ante máis de 180 profesionais dos sectores da hostalería, ...

Ler Máis »