AS RAZAS AUTÓCTONAS GALEGAS E OS SEUS PRODUTOS SERÁN AS PROTAGONISTAS NA FEIRA EXPOLUGO 2015
Lugo. días 3 e 4 de outubro de 2015
Este fin de semana, e con motivo das festas de San Froilán, os días 3 e 4 de outubro vaise celebrar en Lugo outra edición da feira EXPOLUGO, sito no Pazo de Feiras e Congresos de Lugo (Recinto Feiral o Palomar s/n, Lugo, ao carón da estrada Nacional VI).
Celebraranse as seguintes actividades organizadas polas asociacións pertencentes a BOAGA, nas que participan criadores da provincia de Lugo con razas autóctonas, e patrocinado pola Fundación Feiras e Exposicións de Lugo e a Deputación Provincial de Lugo:
- III Concurso-Exposición Monográfico Provincial da Galiña de Mos, no que participarán nove criadores e un total de 42 animais.
- Exposición provincial das razas Cachena, Caldelá, Vianesa, Ovella Galega e Cabra Galega, no que participarán dez criadores e un total de 35 animais.
- Mercado Alimentario de Razas Autóctonas, coa participación de 5 criadores das razas Cachena, Vianesa e Galiña de Mos, promocionando os produtos cárnicos e ovos procedente de animais das súas explotacións.
- Desfile de gando autóctono polo centro de Lugo, o sábado día 3 a partir das 12 do mediodía onde participarán exemplares das nosas razas.
- Degustación de carne de autóctonas: o domingo día 4 a partir das 14:00 horas, para todo aquel que se acerque á exposición, haberá unha desgustación gratuíta de carne de Cachena, Vianesa e Galo de Mos, organizada pola federación BOAGA e os criadores que participan na exposición do mercado alimentario de razas autóctonas.
O horario de apertura ao público será de 11 da mañá a 9 da noite ininterrompidamente os dous días.
PRESENTACIÓN DO RECEITARIO “COCIÑANDO COAS RAZAS AUTÓCTONAS” NA FEIRA DO LIBRO DE PONTEVEDRA
23.05.2013. Mañá, sábado 25 de maio, ás 12.00 horas, Rocío Garrido Caramés presentará o seu libro de receitas Cociñando coas razas autóctonas na Feira do Libro de Pontevedra. A continuación, a autora firmará exemplares na ...
EXPOSICIÓN RAZAS AUTÓCTONAS NA FESTA DA FILLOA DE MUIMENTA
UN RESTAURANTE DE RAZAS AUTÓCTONAS EN XANTAR
A Cabra Galega cobrou protagonismo na feira monográfica de GandAgro
O segundo monográfico da Gandería e a Agricultura, GandAgro 2012, que se celebrou no recinto da Feira Internacional de Galicia do 8 ao 19 de marzo, contou cunha ampla representación das razas autóctonas galegas que ...
Posta de largo dos produtos derivados das razas autóctonas
O 3 de novembro realizouse no recinto feiral de Silleda (Pontevedra) unha presentación de produtos gastronómicos derivados das razas autóctonas de Galicia en perigo de extinción ante máis de 180 profesionais dos sectores da hostalería, ...