23-25 maio 2014 -Lugo

Estase a celebrar a Feira de artesanía e produtos do campo na praza Agro do Rolo, no barrio da Milagrosa en Lugo. O criador Jorgue Anguez, de Triacastela de “Cachenas de San Breixo”, está cunha carpa promocionando a súa explotación e mais facendo promoción das razas autóctonas e dos seus produtos. A feira comenzou o venres 23 e poderase visitar ata  mañá, domingo 25 de maio.

16 maio-8 xuño 2014. Restaurante Río Lea (Castro de Rei-Lugo)

Dende o 16 de maio ata o 8 de xuño, celebraranse unhas novas XORNADAS GASTRONÓMICAS DA PALETILLA E DA PERNA DE CORDEIRO DE OVELLA GALEGA no restaurante Río Lea (Castro de Ribeiras de Lea-Castro de Rei, Lugo). O menú consistirá en albóndigas de cordeiro con puré de patacas da Chaira de primeiro plato e perna e paletilla de segundo. Sobremesa de tiramisú e viño da D.O. Ribeira Sacra “Valcar”.

As xornadas están organizadas pola gandería de produción ecolóxica SAT Torre, de Arcos (Outeiro de Rei) de onde provén a carne. Colabora a Asociación de Criadores de Raza Ovella Galega-ASOVEGA.

Os teléfonos de contacto do restaurante Río Lea son 982310657 e 982310658

1 de maio de 2014. Recinto feiral "Manuel Vila" - Muimenta

30.04.2014. Mañá día 1 de maio celebrarase en Muimenta (Cospeito, Lugo) a tradicional Festa da Filloa, declarada Festa de Interese Turístico de Galicia.

Este evento sempre vai acompañado dunha serie de actividades entre as que se atopa unha exposición de razas autóctonas, de xeito que os visitantes poderán, ademais de degustar as tradicionais filloas, contemplar exemplares das razas Ovella Galega e Galiña de Mos propiedade dos criadores da provincia de Lugo, José Barreira Alonso (Muimenta) e Luis Fernández Fernández (Riotorto)

29 de abril de 2014

Os documentos que se anexan a continuación  non teñen carácter legal senón informativo, e o seu obxecto é contribuir a respostar ás preguntas mais frecuentes que adoitan formularse en relación coas novas axudas directas da PAC que serán de aplicación a partires de 2015. Así mesmo infórmase no segundo documento sobre os efectos que terán no ano 2015, as cesións de dereitos de pago único que se realicen en 2014.

Os documentos pódense descargar nos pdf adxuntos e a través da páxina web de FEDERAPES www.federapes.com

    PREGUNTAS FRECUENTES SOBRE A PAC 2014-2010

   DEREITOS DE PAGO ÚNICO 2014

DOG nº 74, do mércores 16 de abril de 2014.

Estas axudas foran convocadas na Resolución do 31 de decembro de 2013 (orde 3 de abril de 2013), destinadas ao fomento de sistemas de produción de razas gandeiras autóctonas en réxime extensivo. Nesta última modificación aparecen no Anexo I as solicitudes admitidas, e no Anexo II as solicitudes denegadas. Para máis información descargar o PDF.

Existe para ás persoas interesadas un prazo de dez días hábiles, contados a partir do seguinte ao da notificación desta proposta (ATA O 30 DE ABRIL 2014), para que poidan formular as alegacións e presentar a documentación que estimen conveniente  ante a Consellería do Medio Rural e do Mar. (Subdirección Xeral de Gandaría, Dirección Xeral de Produción Agropecuaria).

  Descargar PDF

DATA LÍMITE: 15 MAIO 2014

Está aberto o prazo de solicitude PAC 2014. ORDE do 18 de febreiro de 2014 pola que se regula a aplicación dos pagamentos directos á agricultura e á gandaría e das axudas ao desenvolvemento rural para a utilización sustentable das terras agrícolas no ano 2014. Xunto con ela tramítase a SOLICITUDE DE DEREITOS DE RESERVA NACIONAL.

Tamén se tramita conxuntamente o CES  que inclúe a liña de mantemento de razas autóctonas en perigo de extinción. Pero só para aqueles beneficiarios da axuda que aínda non remataran compromisos  (os expedientes do ano 2010). Consulten coa súa entidad de asesoramento.

Os novos criadores no caso de que non tivera solicitado nunca e non teña dereitos, debe presentar agora DECLARACIÓN DE SUPERFICES. 

PRAZO LÍMITE -15 DE MAIO DE 2014

        ORDE 18 DE FEBREIRO DE 2014

Sabádo -19 de abril de 2014

O sábado día 19 de abril de 2014, celébrase a “V Feira de Artesanía e Produtos da Zona” en Triacastela-Lugo. A partires das 10 da mañá na Praza do Consistorio, poderanse visitar os postos cos productos galegos, no que participan criadores das razas representadas nas asociacións pertencentes a BOAGA.

Ganadería Gayo (José Gayo), cun posto de productos cárnicos da raza Vianesa, Roberto Raposo Díaz con exposición de animais vivos da raza Galiña de Mos, e Cachenas de San Breixo (Jordi Ánguez) criador da raza Cachena e da Galiña de Mos e con promoción da súa ganadería e mais venda de peluches da Galiña de Mos e da Ovella Galega e do libro “Cociñando Coas Razas Autóctonas”.

A Feira está organizada polo Concello de Triacastela, a Asociación de Mulleres Rurais “Tres Castros”, e a Asociación de Artesanas deo Tear “Artelar”.

As carnes da Galiña de Mos e da Ovella Galega serán protagonistas durante a Vuelta Ciclista a España un ano máis, grazas á Asociación de empresarios da hostelería de Lugo, que en colaboración coa Xunta ...